Өкмөт башчы кыргыз тили боюнча тест тапшырып, эң жогорку баа алды

Премьер-министр Мухаммедкалый Абылгазиев мамлекеттик тилди билүү деңгээлин аныктаган тестирлөөнүн жыйынтыгы боюнча жогорку балл алды. Бул тууралуу өкмөттүн маалымат кызматынан билдиришти.

Абылгазиев өкмөттүн мүчөлөрү менен бирге «Кыргызтест» мамлекеттик мекемесине барып, мамлекеттик тилди билүү деңгээлин аныктаган тестирлөөдөн өттү. Өкмөт башчы С1 жогорку деңгээли боюнча тест тапшырып, тестирлөөнүн бардык негизги критерийлери боюнча эң жогорку балл алды. Тестирлөө бүткөндөн кийин Премьер-министр Мухаммедкалый Абылгазиевге мамлекеттик тилди С1 – жогорку деңгээлде билерин тастыктаган сертификат тапшырылды.

Премьер-министр ошондой эле «Кыргызтест» мекемесинин иши жана кыргыз тилин үйрөнүүдөгү ыкмалардын негиздери менен таанышты. Мухаммедкалый Абылгазиев мамлекеттик тилди өнүктүрүү үчүн мамлекет мындан ары да күч-аракетин жумшай берерин белгиледи. «Биз окутуу системин жакшыртуу жана заманбап инновациялык технологияларды, жаңы усулдарды киргизүү боюнча олуттуу иштерди жасашыбыз керек. Кимдир бирөөнүн тилди үйрөнүүсүн мажбурлоого болбойт, андай болбошу дагы керек. Аны өздөштүрүү үчүн жарандарга түрткү берип, оңтойлуу шарт түзүү керек. Биз өнүккөн өлкөлөрдө тигил же бул тилди сактоо маселеси чыгып жатканын көрүп жүрөбүз", - деди Абылгазиев.

Анын айтымында, учурда өкмөт билим берүүгө көп тилдүүлүк принцибин киргизүү аракетин көрүүдө, бул мектеп бүтүрүүчүлөрү үч тилде эркин сүйлөөсүн, ошол эле учурда өзүнүн улуттук маданиятына таандык көрүнүштөрдү так билүүсүн шарттайт. Өкмөт башчы мамлекеттик кызматкерлер мамлекеттик тилди тийиштүү деңгээлде өздөштүрүү абзел, болгондо да аны кемчиликсиз билүү керектигин айтты.

Автор: Адилет Керимбек уулу

20:46 20-10-2019

Жазылуу

РУБРИКАДАГЫ СОҢКУ КАБАРЛАР

23:52 2025-07-24 | Түркүн дүйнө

Камбоджа Таиланд менен болгон жаңжалдан улам 5 миң кишини эвакуациялады 709 0

23:34 2025-07-24 | Түркүн дүйнө

Трамп Илон Маскка жамандык каалабай турганын билдирди 588 0

22:54 2025-07-24 | Түркүн дүйнө

Таиланд согуш аяктагандан кийин гана Камбоджа менен сүйлөшүүгө барарын билдирди 1073 0

22:10 2025-07-24 | Саясат

Бишкек мэриясында кызматтан алынган үч жетекчинин ордуна жаңы кызматкерлер дайындалды 768 0

21:35 2025-07-24 | Түркүн дүйнө

Таиланд Камбоджа менен болгон кагылышта 11 жараны набыт болгонун билдирди 898 0

20:49 2025-07-24 | Коом жана турмуш

Президент ЖАМКынын төрагасы Чыңгыз Кожошевге сөгүш жарыялады 1310 0

Архив

Комментарийлер (10)

bond02

2019-10-20 20:52:41

Бийлик колдо турганда, кытай тилинен жуз балл алды десе да жараша берет да.

+25

katerina.li

2019-10-20 23:41:50

bond02,ой бооорум

Syimyk.isaev

2019-10-21 00:42:00

Адахан Кимсанбаевич алган эле жогорку балл.

-5

Bektur2011

2019-10-21 16:28:11

Syimyk.isaev,Мадумаровду анда кыргыз тил мугалими кылыш керек. Мектепке барып сабак өтсүн!

Wibee

2019-10-21 08:01:15

Сокечи?

-4

lotte

2019-10-21 08:51:27

Башты иштетиш керек башты

altyn-kumush

2019-10-21 09:16:46

Мухаммедекалый Абылгазиев да сабаттуу экенин дагы бир жолу далилдеген тура. Ал расмий жана эне тилди да жакшы деңгээлде билери баарыбызга эле маалым.

Erik2018

2019-10-21 09:18:53

Мамлекетик кызматтагы ар бир кызматкер кыргыз тилин толлук билүүсу кажет өкмөт баштап берген стафетаны башка тармактагы чиновниктер да уланса жакшы болмок

Absamat-90

2019-10-21 10:24:17

Канда калыптынган тилди чануу мумкун эмес жана аны андан ары калыптандыруу оркундотуу бир эле премьердин эмес ар бир жарандын милдети деп ойлойм.

Ernestinio

2019-10-21 16:00:34

Оз тилин жогорку денгеелде билуу - тилин суйуу, элин суйуу дегенди билдирет. Элин суйгон адам эч качан элине каршы иштебейт жана элине зын тийген проектерди колдобойт.

Комментарий калтыруу үчүн өз ысымыңыз менен кириңиз же каттоодон өтүңүз.