Чүйдө үйдөн чыгып кеткен боюнча дайынсыз болуп жаткан 16 жаштагы кыз табылды

Чүйдүн Аламүдүн районунда дайынсыз жоголуп, изделип жаткан өспүрүм кыз табылды. Бул тууралуу Чүй ОИИББинин басма сөз кызматынан билдиришти.

Маалыматка ылайык, 22-октябрда Аламүдүн районунун 50 жаштагы тургуну арыз менен кайрылган. Анда 16 жаштагы кызы 21-октябрда үйдөн чыккан боюнча кайра кайрылып келбегенин билдирген.

Бул факты Кылмыштардын жана жоруктардын бирдиктүү реестрине катталып, издөө иштери башталган. 23-октябрь күнү Жайыл районунан изделип жаткан кыз табылып, ата-энесине өткөрүлүп берилген. Ошондой эле кыз менен милиция кызматкерлери сүйлөшүү иштерин жүргүзүшкөн.

Автор: Айсалкын Качкынбекова