"Манас" эл аралык аэропортунда Бишкек-Стамбул каттамында эки кыз мас абалында уруша кетти. Мунун кесепетинен каттам бир саатка кечигип учту. Бул тууралуу SURER.KG порталына окуянын күбөсү билдирди.
Ал эми бул маалыматты "Манас" эл аралык аэропортунун басма сөз кызматынан тастыктап, буларды билдирди.
"Каттам бир саатка кечигип учту. Тактап айтканда, эртең мененки саат 07:00дө уча турган самолёт саат 08:00дө учкан. Анда самолёт учууга даяр болгондо эки кыз мас абалда болгондуктан уруша кетип, каттамды токтотууга кызматкерлер дуушар болгон. Ал эми окуя болгон жерге милиция кызматкерлери келип, эки кызды алып кетишкен. Учурда териштирүү иштери жүрүүдө", - деп билдирет басма сөз кызматынан.