Жол коопсуздугунун кызматкерлери рейд өткөрүп, анда 6056 жол эрежесин бузуу фактысы катталды

ИИМдин Жол коопсуздугун камсыздоо башкы башкармалыгынын кызматкерлери 16-19-октябрь күндөрү “Рулдамын” аталышындагы рейддик иш-чара өткөрүштү. Бул иш-чаранын негизги максаты жол кырсыктарынын санын азайтуу, жөө жүргүнчүлөрдүн маданиятын жогорулаттуу, өспүрүмдөр катышкан жол кырсыктарын алдын алуу болуп эсептелет.

Бул иш-чаранын жыйынтыгында, жалпысынан 6056 жол эрежесин бузуу фактысы катталган. Анын ичинен:

Автоунаанын алдыңкы жана маңдайкы терезелерин атайын күңүрттөтүү боюнча - 72;

Мас абалында унааны башкарган үчүн - 122;

Жол эрежесинде көрсөтүлгөн тиешелүү документтери жок унаа башкаргандыгы үчүн - 62;

Автоунаага жасалма номер тагып башкаруу үчүн - 6;

Айдоочунун ИИМ кызматкерлерине баш ийбегендиги үчүн - 5;

Башка жол эрежелерин бузуу боюнча жалпы көрсөткүч - 5789;

Атайын унаа токтотуучу жайларына - 144 унаа киргизилди.

Автор: Айсалкын Качкынбекова