Депутат: "Сурамжылоо жүргүзүлгөндө, жаш кыздардын насвайга берилгени жылдан жылга күчөп баратканы айтылды"

Депутат Таабалды Тиллаев бардык коомдук жайларда, мекемелерде тамеки тартууга тыюу салуу керектигин айтты. Бул тууралуу ал бүгүн, 2-ноябрда Жогорку Кеңештин комитет жыйынында билдирди.

"Акыркы жылдары жарандарыбыз тамеки, насвай чегүүгө кызыгып, берилип жатат. Көптөгөн мамлекеттерде коомдук жайларда тамеки тартууга тыюу салынган мыйзам кабыл алынган. Биз сунуштап жаткан мыйзамдын максаты - жарандардын ден соолугуна кам көрүү. Мектептердин жанында тамекилер тартылып жатат. Сурамжылоо жүргүзүлгөндө, жаш кыздардын насвайга берилгени жылдан жылга күчөп баратканы айтылды", - дейт депутат.

Социалдык маселелер, билим берүү, илим, маданият жана саламаттыкты сактоо боюнча комитетинде “Жарандардын ден соолугун тамекини керектөөнүн кесепетинен жана айланадагы тамеки түтүнүнүн таасиринен коргоо жөнүндө” мыйзам долбоору жактырылды.

Автор: Жылдыз Джускембаева