Жалал-Абад облусунун айылдарында милиция кызматкерлери тарабынан түшүндүрүү иштери жүргүзүлүүдө. Түшүндүрүү иштери мектеп окуучулары арасында топтошуп мушташуулардын жана түрдүү кырсыктардын алдын алуу максатында жүргүзүлүүдө.
Маалыматка ылайык, иш-чараларды участкалык инспекторлор, өспүрүмдөр менен иштөө инспекциясы жана жол кыймылынын коопсуздугун көзөмөлдөө бөлүмүнүн кызматкерлери жүргүздү.
Мындан сырткары, Ноокен РИИБинин кызматкерлери тарабынан кылмыштуулуктун алдын алуу, зордук-зомбулукка каршы 16 күн акциясы башталды.
Мындай профилактикалык иш-чаралар алдыңкы күндөрү район аймагындагы башка мектептерде да улантылмакчы.