Экс-акыйкатчы: "Өзбекстандын чек ара бекеттерин жаап коюшу боюнча Кыргызстан чара көрбөй жатат"

"Оштогу кыргыз-өзбек чек арасындагы "Достук" өткөрүү бекети боюнча Кыргызстан эч кандай чара көрбөй жатат",- деп билдирди 19-августта маалымат жыйын берген экс-акыйкатчы Турсунбек Акун. Ал билдиргендей, аталган өткөрүү бекетинен бир аптадан бери жарандар өтө албай жатышат. "Чек арадан өтө албай жаткан жарандар мага телефон чалышууда. Ал жердегилердин шарты да ар кандай, тажияга бара жаткандары бар. 3 жашар балага Ташкенттен операция жасатышы керек экен. Эч кандай жардам жок, ал жерге Кыргызстандын чек ара кызматынын өкүлдөрү барыша элек",- дейт Акун.

Автор: Автандил Добулбеков