Нариман Түлеевдин иши шаардык сотто сентябрда каралышы мүмкүн

ЖКнын депутаты, Бишкектин мурдагы мэри Нариман Түлеевдин иши шаардык сотто сентябрь айынын ортосунда каралышы мүмкүн. Бул тууралуу Түлеевдин жактоочусу Кубанычбек Ташбалтаев бүгүн, 22-августта бизге билдирди. “Отурум мындан эрте болушу мүмкүн эмес. Азырынча так датасы белгилене элек”,- деди ал.

Эске сала кетсек, 29-июлда Бишкек шаарынын Ленин райондук соту Нариман Түлеевди мүлкүн конфискациялоо менен 11 жылга эркинен ажыраткан. Бул чечимге макул болбогон Түлеевдин жактоочулары шаардык сотко апелляциялык арыз менен кайрылышкан.

Автор: Ширин Жумадилова