Саламаттыкты сактоо министрлиги Италиядан келген жарандарды аэропорттон эле текшерип өткөрүп жиберди деген окуяга түшүндүрмө берди

Бүгүн, 27-февралда эртең менен Италиядан 2 Кыргыз жараны келген. Бул тууралуу Жогорку Кеңештин депутаты Жыргалбек Турускулов билдирип, өлкөгө кирген жарандарды аэропорттон тепловизор менен текшерип эле жөнөтүптүр деген.

Саламаттыкты сактоо министрлиги аталган окуя боюнча билдирүү жасап, такталбаган маалыматтарды таратып, элди дүрбөлөңгө салбоого чакырат.

"25-февралда Республикалык жугуштуу оорулар ооруканасына Италиядан келген эки жаран өз ыктыярлары менен кайрылышкан. Аларда оорунун эч кандай клиникалык белгилери жок болгондуктан, коронавирусту аныктоо үчүн тест алынган. Жыйынтыгы жакшы деп чыгып, жарандардын дене табы нормалдуу болгондуктан, жашаган аймагы боюнча медициналык кароодон өтүп туруу үчүн жөнөтүлгөн.

27-февралда инфекциялык ооруканага дагы бир жаран кайрылган. Ал 13-24-февраль аралыгында Италияда болгонун, Бишкекке 25-февралда таңкы саат 03:00дө келгенин билдирген. Ал дагы текшерүүдөн өтүп, коронавирус аныкталган эмес. Түшүндүрүү иштеринен кийин ал жашаган аймагы боюнча медициналык текшерүүдөн өтүп турат деп бошотулган.

Саламаттыкты сактоо министрлиги коронавирус боюнча дүйнөдө болуп жаткан окуяларга байланыштуу анализдерди күндө жүргүзүп турат. 24-февралда Түштүк Корея, Япония, Иран мамлекеттеринен келген жарандарга, ал эми 25-февралда Италиядан келген жарандарга карата чектөө киргизилген. Мындан улам Италиядан келген жарандар аэропорттон текшерилип, андан ары жашаган жеринен медициналык кароодон өтөт деп коё берилген.

Бүгүнкү күнгө карата коронавирус менен жабыркагандар катталган жок. Абал туруктуу. Өлкөдөгү 22 санитардык-карантиндик пункттар күнү-түнү иштеп, анда 500дөн ашуун дарыгерлер нөөмөттө турушууда", - деди мекеменин маалымат катчысы.

Автор: Бактыгүл Момбекова

16:37 27-02-2020

Жазылуу

Тектеш кабарлар:

Алматыга карантин кайрадан киргизилет. Буйрукка кол коюлду

Премьер-министр: "Билим күнү 1-класска баруучу 156 миң окуучуга мектептердин эшиги ачылат"

"Коронавирус кош бойлуулук учурунда балага жукпайт" дейт адис

Акыркы бир суткада 81 адам COVID-19 илдетинен айыкты делинип, үйлөрүнө чыгарылды

Коронавируска каршы күрөшүү үчүн атайын эсепке түшкөн акча каражаттарын бөлүштүрүү боюнча комиссиянын жыйыны өттү

Вице-премьер Алтынай Өмүрбекова: "Аза күтүү тажыяларын өткөрүүгө жана куран окутууга тыюу салынат"

Бир суткада дагы 2 медицина кызматкери илдетти жуктуруп алды

Польшанын Мейсце-Ожаньске айылында 10 жылдан бери биринчи ирет уул бала төрөлдү

"Кыргызстан" фракциясы апрель-май айынын айлыгынан баш тартуу чечимин кабыл алганы айтылды

Улуу Британияда коронавирусту жытынан аныктоо үчүн иттер үйрөтүлүп баштайт

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1984 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 191 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1093 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2706 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1102 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1094 0

Архив

Комментарийлер (9)

Aimani

2020-02-27 16:48:16

Өзүлөрү барыптыр да. Уят эле. Симптомдору жок болсо да 29 күнгө карантинге кармаш керек. Эми канча киши менен контакт болот кийин билинсе. Кудай эле сактасын бизди

Omush94

2020-02-27 16:53:32

А ошо эч нерсе билинбесе да карантинге алыш керекби? О Кореядагы кемедегилер не болду?

bema_bema

2020-02-27 17:20:17

Тестен 10 жолу таза чыккан аял ооруп калыптыр туштук Кареяда. Ошентип киргизе бергиле жегичтер.

shankol88

2020-02-27 17:30:26

Биздин медицина өнүккөн бир текшергенде эле билип койушат,

Gulipa

2020-02-27 18:18:27

Таза чыкканы чын болсун! Аллахым озу сактасын Кыргызстанымды

JaneEr

2020-02-27 18:35:42

Баарибир 14 кун карантин милдеттуу эле!

aydinnur

2020-02-27 19:44:43

Башка олколор оору чыккан олколордон келген жарандарды белги барбы-жокпу 14 кунго карантинге алып жатса..Министирликтин жообуна баракелде(((Дагы озу келген экооно рахмат,значит буларды аэропорттон текшергени деле жалган го...Токтоосуз отставкага кетиши керек болуп калыптыр минздравтын жетекчилиги..

XAN-TORO

2020-02-27 21:35:15

Менин жеке оюмда Италияга карапайым эл бара албайт. Барган адамдын акчасы бар ошо алар кайтып келишсе озулорунун акчасына эле карантинге алгыла акча жок бюджетте деген шылтоону айта албай жатсанар

guard

2020-02-27 23:02:55

Озулору келди, биз текшердик дейт. Чет олкодон келгендердин температурасын текшерсек жок экен, жиберип жатабыз деп доодуроп атышат да, кыйын иштеп жатышкан экен. Окунучтуу, кандай айла кылабыз эми, болбой эле Кытайлар кирип жатышыптыр, озубуз барып чек араны кайтарабызыбы эми?!

Комментарий калтыруу үчүн өз ысымыңыз менен кириңиз же каттоодон өтүңүз.