Айыл жергесинде үй-бүлө кургандардын 60 пайызы кызды ала качышат

Жыл сайын кризистик борборлорго, аксакалдар сотуна, ички иштер башкармалыктарына 10 миң аял үй-бүлөдөгү зордук-зомбулук маселеси менен кайрылат. Бул тууралуу Социалдык өнүктүрүү министрлигинин басма сөз кызматы билдирди. Кайрылуулардын 30 пайызы көп аялдуулукка байланыштуу болсо, айыл жергесинде үй-бүлө кургандардын 60 пайызы кызды ала качышат. Ал эми түрмөдө жаза мөөнөтүн өтөп жаткан айымдардын 70 пайызы зордук-зомбулукка чыдабай, күйөөлөрүн өлтүрүшкөндөр. Аталган министрлик гендердик саясат боюнча мыйзамга өзгөртүүлөрдү киргизүүнү жана зомбулукка туш келген айымдар үчүн түз байланыш ачууну сунуштоодо.

Автор: Ширин Жумадилова