Жардамынан жарыясы көп! "Муктажды сүрөткө тартып, жардам бердим деп жарыялоо туурабы?". Муфтияттан жооп

"Сооп алуу үчүн", "Кудайдын ыраазычылыгы үчүн жардам берип жатам". Мына ушундай билдирүүлөр жазылат жардам берген тараптын жарыялаган сүрөт же видеосуна. Көп учурда сүрөттө жардам алган адам колуна жардамга берилген азык-түлүктөрдү кармап, кээде жанында баласы, айрым учурда толук үй-бүлөсү жана жашаган турмуш тиричилигинин абалы көрсөтүлөт.

Интернет айдыңында жардам берген адамды алкап, мактап комментарийлер жазылат. Албетте, бул анын демине дем, күчүнө күч кошот. Жардам берүү - адамдын жүрөгүн жеңилдетет, тазартат. Ошол эле учурда "турмушум оор, ушинтип жардам алдым" деген сүрөтү элге тарап жаткан адамда кандай сезимдер болот? Сиздин пикириңиз кандай окурман?

Коомчулукта кайрымдуу адамдардын көп экендиги кубандырарлык көрүнүш экенин да белгилөө керек. Мындан тышкары муктаждардын жүзүн көрсөтпөй же таптакыр көмүскөдө жардам берип жаткандар да четтен чыгат.

"Соопчулук үчүн жардам бердим деп, аны жар салгандарга сооп жазылабы? Шариятта бул кандай каралат?" деген суроо менен биз Кыргызстан мусулмандар дин башкармалыгына кайрылдык. Муфтияттын Фатва бөлүмүнүн адиси Бактияр Токтогазы уулу төмөндөгүдөй жооп берди.

"Муктаж болгон кедей-кембагалдарга жардам берүү, албетте, сооп иш, сооп ишти башкалар көрсүн дебей кылганы жакшы. Бирок муну башка жактан да кароо керек - биринчиден отчёт иретинде, экинчиден, башкаларга да шык берели деген ой менен жарыялашы мүмкүн. Ар бир учурда жардам бергендерден, уюштуруучулардан кандай ниетте сүрөтүн жарыялап жатканы такталып жазылса жакшы.

Эгерде өзүмдүн кадырымды көтөрөйүн, бирөө мени мактасын, эл таанысын деген ой менен жардам берип, муктажды буга пайдаланып, аны жарыялап жаткан болсо бир Кудайга таандык, ал сооп алабы же жокпу?

Пайгамбарыбыз айткан хадистер бар, "Бир колуң бергенди экинчи колуң билбей калсын" деген мааниде айтылат. Мунун мааниси сенин кимдир бирөөгө жардам берип жатканың ушунчалык жашыруун болсун деген да.

Азыр заманбап жашоодо отчёттуулук үчүн сүрөт, видеолор керек болуп жатса жардам алган тарап менен кеңешип, алардын маанайын түшүрүп, көңүлүн чөгөрбөй турган жолдорду тандаш керек. Эгер алар жарыялоого макул болбосо толук маалыматты бербей, өздөрү көрүнбөй турган жагдайда сүрөткө тартышса болот. Себеби уруксат сурабай жарыяласа, нааразы болгондор да чыгат. Колдон келишинче кайрымдуулук кылгандар муктаждардын беттерин көргөзбөгөнү туура болот", - деди Токтогазы уулу.

Автор: Кызжибек Раимова

19:08 07-04-2020

Жазылуу

Тектеш кабарлар:

"Бир адам 52 адамга коронавирус жуктурган". Өзбекстандын саламаттыкты сактоо министри өлкөдө вирус кантип жайылып жатканын айтып берди

"Ухан вирусу": Италияда бир күн ичинде 601 адам каза болуп, 4 миң 789 адам коронавирус жуктурган

Коронавирус илдети бир суткада 7 адамдын өмүрүн алды

Блогер Азиза Мурзашова апасы коронавирустан кантип дарыланганы боюнча айтып берди

Казакстанда коронавируска кабылгандар 911ге жетип, анын 86сы айыкты

Ички иштер министрлиги: "Журналисттер үчүн эч кандай чектөөлөр коюлбайт"

Борбор калаада дагы эки мектеп онлайн режимде окутууга өттү

Өткөн суткада 112 адамдан коронавирус аныкталса, 99 бейтап илдеттен сакайып чыкты

Министрлик: "Көчөгө чыккандар көбөйүп кетти. Бул коронавирустун жайылуу мөөнөтүн узартат"

"Коронавирус менен ооруган жарандын сойкулар менен катнашын жашырган". Казакстанда полиция кызматкерлери сойкукананы калкалаган деп шектелүүдө

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2300 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 256 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1264 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2969 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1241 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1202 0

Архив

Комментарийлер (9)

Aselya_9105

2020-04-07 19:22:48

Азыркы ырчылардын социалдык тармактагы комментарийине кирсең эле "Жөн отурбай кедей-кембагал, жетим-жесирлерге жардам берсең боло" деп жазган адамдар бар, ал эми жөн отурбай, аларга жардам берип, видео-фото отчет жасап интернетке салса да жазып чыгышат, "көргөзбөй кылбайсыңбы кайрымдуу иштериңди" деп.

-9

Kairat1996

2020-04-07 19:29:46

Муфтиятта канчалаган сабатсыз молдолор журушот. Мындай суроону молдолорго эмес, ар турдуу адистерге узатыш керек. Адамдар бир эле молдолордун оозун карап олтура берген туура эмес. Молдонун кобу тилдин учу менен насаатчы болгондор. Мындай суроолорду мугалим, бизнесмен, врач, милицияларга, психологторго эмне учун узатпайсынар. Жардам берсе нормально бериш керек. Анан бир тал ширеңке берип коюп, аны бир ай мактанбай.

-11

Кызжибек Раимова

2020-04-07 19:35:57

Kairat1996,Көбүнчө "сооп алалы, Аллах үчүн жардам бердим" деп жазышат. Ошол үчүн Муфтиятка кайрылдык. Сунушуңузду да эске алдык.

+11

Kitep

2020-04-08 08:34:36

Kairat1996,азыркы тапта ошо молдолорун кайрымдуулукту коп жасап жатышат.

erlan2196

2020-04-07 19:46:36

Келгиле бироого жардам кылсак Аллах ыраазы болсун деп эмес, эн биринчи адамдар ыраазы болсун учун жасайлык. Адам кыйналып жатса, ага биринчи кезекте адамдар жардамга келет. Ал эми жардам кылуу маданиятын мектептен баштап уйротуу керек. Ал учун чыныгы билимдуу адистер айтыш керек. Калп эле тилдин учу менен Аллах ыраазы болсун дегендер микроптон коп.

-12

Nurmat92

2020-04-07 21:55:23

erlan2196,Аллах ар бир пенденин мейли мусулман мейли каапыр мейли негр мейли белый болсун ар бир күндүн ырыскысын унутпастан берет, бул бир. Ошондой эле ар бир пендени өлүмдүн кенжеси болгон уйкудан тургузат. Кээ бирине өлүм периштесин жиберип уйкудан турбай калат. Ооз көптүрүп тантырактап сүйлөй бербе. Аллах колу бутуңду шал кылып сынап койсо намаз окуганга да чаман келбей калат. Андан көрө шүгүр кыл аман эсен ырыскынды жеп жүргөнүңө.

sinej

2020-04-07 20:40:47

Ар бир адам озу аракет кылып оокат кылганды уйронуш керек. Сыйынсан аллах озу бере берет, байлар жардам бериш керек деген коомду тарбиялабаш керек. Анда баары мечиттен чыкпай калышат же уйлорунда жата беришет. Чыныгы жакырчылык ошондо келет бизге. Кытай, Германия, Корея Япондорду карап коргуло. Жакшы жашоонун булагы - бул билим жана эмгек экенин далилдеп олтурушат.

TIMON_BERKOWITZ

2020-04-07 21:25:44

Намаз окуп жатып селфи, орозо кармап селфи, хаджга барып селфи, 100сом берип селфи... Кимге көрсөткүбуз келет? Көрчү кудай селфиден көрбөйт!

-4

sinej

2020-04-07 21:46:28

TIMON_BERKOWITZ,
Бизде азыр бир молдо же ажыкебиз дин жонундо кооз суйлоп койсо, же кочодо бара жатып намаз окуп койсо, видеого тарта коюшуп, аны баары ыйык тута калышып, кайра кайра ар кимге видеосун жонотуп башташат. Ушундайды токтотсок.

-4

Комментарий калтыруу үчүн өз ысымыңыз менен кириңиз же каттоодон өтүңүз.