"Көрөр күнү бар экен". Индияда сөөгү жерге берилгенден 2 күн өткөндөн кийин ал адам тирүү кайтып келген

Индиянын Уттар Прадеш штатында Канпур шаарында Ахмад Хассан аттуу жаран өзүнүн сөөгү жерге берилгенден 2 күн өткөндөн кийин үйүнө кайтып келген. Бул кызыктуу окуя тууралуу дүйнөлүк басылмалар жазышууда.

Анда жазылган маалыматка ылайык, 2-августта Ахмад Хассан жубайы менен болгон талаш-тартышуудан кийин үйүнөн чыгып кетип, дайынсыз болуп жаткан. Үй-бүлөсү андан кабатырланып, полиция кызматына кайрылышкан.

Укук коргоочулар Хассанга окшогон эркек кишинин жансыз денесин табышып, 5-августта үй-бүлө мүчөлөрүн чакырып, аны көрсөтүшкөн. Хассандын агасы чындыгында ал иниси экендигин тастыктаган, ошол эле учурда жубайы андан күмөн санаганын айткан. Алар сөөктү алып, жерге беришкен.

Бирок 7-августта Хассан үйүнө кайтып келип, үйү жабык турганын көрөт. Коңшулары аны таанып, дароо полиция кызматкерлерин чакырышкан. Ахмад Хассан жубайы менен болгон талаш-тартышуудан кийин заводго иштегени кетип калганын айтат. Андан соң ал иштеген күндөрүнүн эмгек акысын алып, үйүнө кайтып келгенин билдирген.

Жубайы Нагма жолдошун тирүү көргөнүнө абдан бактылуу экендигин айткан. Ошондой эле полиция кызматкерлери тарабынан көрсөтүлүп көмүлгөн адам жолдошуна аябай окшош экендигин кошумчалаган.

"Учурда полиция кызматкерлери аты-жөнү такталбай, көмүлүп калган маркумдун жеке маалыматтарын тактоо иштери менен алек болууда" деп жазылат маалыматта.

Автор: Айжанар Рыспек кызы

12:54 11-08-2020

Жазылуу

РУБРИКАДАГЫ СОҢКУ КАБАРЛАР

23:18 2025-05-15 | Түркүн дүйнө

Түштүк Судандын бийлиги президентинин өлүмү тууралуу кептерди четке какты 126 0

22:42 2025-05-15 | Коом жана турмуш

Курулуш министрлиги кырсыктарды алдын алуучу буйрук чыгарды 229 0

22:25 2025-05-15 | Түркүн дүйнө

Мексикада белгилүү блогер айым TikTok'тун түз эфиринде атып өлтүрүлгөн 920 0

21:56 2025-05-15 | Кылмыштар, кырсыктар

Оштогу базардын жер тилкеси мамлекетке алынды 394 0

21:29 2025-05-15 | Саясат

Кызматын алмаштырган Бекболотовдун министрлик ордунун милдетин орун басары аткарат 698 0

21:19 2025-05-15 | Саясат

Коргоо министри Бекболотов коопсуздук кеңешинин катчысы болуп дайындалды 728 0

Архив

Комментарийлер (9)

-BOSS-

2020-08-11 12:56:11

Индияда ДНК анализи жок эле көмүп салышабы.

Krai

2020-08-11 13:07:17

Негизинен Индияда аябай көп болот окшойт ушундай окуялар кечээ жакында эле бир сайттан да окудум эле ДНК сын текшеришбейт окшойт. Алардын медицинасы күчтүү деп биздикилер ошол жака барып атышат го түшүнүксүз

-BOSS-

2020-08-11 13:29:16

Krai, хирургиясы жакшы өнүккөн болуш керек

Tolkun555

2020-08-11 23:46:36

-BOSS-,ал жакта запчаст табылышы женилирээк

AdylbekB84

2020-08-11 13:47:14

Миллиард ашык эли болсо анын жарымынан көбү кедей жашаса кайдагы ДНК,

Aidar.001

2020-08-11 13:52:29

Булар соокту орттойт эле го

-BOSS-

2020-08-11 13:59:10

Aidar.001, Индия көп диндүү өлкө, өрттөгөнү бар, бизге окшоп көмгөнү бар.

Belek1710

2020-08-11 15:18:32

Таанып тааныбай туруп эле көмө беришет экен да булар, 10 күн өтпөй эле тааныбай калышабы, ич кийим кийим дегени бар го.

Jibakana

2020-08-11 17:17:27

Индия фантастическая олко болуп Кетти го кийинки кундору коп жолу окудум ушундай случилерди

Комментарий калтыруу үчүн өз ысымыңыз менен кириңиз же каттоодон өтүңүз.