Японияда аптаптуу күндүн ысыгынан каза болгондордун саны көбөйүүдө

Япониянын Токио шаарында август ичинде аптаптуу күндүн ысыгынан 79 адам каза болду. Бул тууралуу чет элдик маалымат булактары жазышууда.

Жазылган маалыматка ылайык, аптаптуу ысыктын кесепетинен 18-августка чейин 79 адам каза болсо, алардын ичинен 26сы акыркы он күндө кайтыш болгон. Каза болгондордун көпчүлүгү 70 жаштан жогорку жарандар.

Калаада абанын температурасы +37 градуска чейин жогорулап жатат.

Буга чейин Японияда абанын температурасынын рекорддук көрсөткүчү катталганын кабарлаганбыз.

Автор: Айжанар Рыспек кызы