АКШдагы президенттик шайлоодо жеңишке жеткен Жо Байденди бир катар саясатчылар куттуктап жатышат

АКШ президенттигине демократиялык партиядан талапкер болгон Жо Байден шайлоодо жеңишке жеткендиги менен бир катар өлкөнүн президенттери куттуктап жатышат. Бул тууралуу дүйнөлүк басылмалар жазып чыгышты.

Алардын башында Франциянын президенти Эммануэль Макрон бар. Ал Жо Байденди жана анын орун басары, вице-президент Камила Харристи кызмат орундары менен куттуктап иштешүүгө даяр экенин билдирген. Ошондой эле Германиянын канцлери Ангела Меркель дагы куттуктаган.

Бул саясатчылардын катарында Казакстандын президенти Касым-Жомарт Токаев да бар.

Ал эми АКШнын мурдагы президенти Барак Обама Байден өз ишин бардык америкалыктардын кызыкчылыгы үчүн жасайт деген ишеними бар экенин жазып чыккан.