Гепарин, кол каптар, бет каптар, көз айнектер... Бишкекке Өзбекстандан гуманитардык жүк келди

Коңшу Өзбекстандан Бишкекке кезектеги гуманитардык жардам келди. Өкмөттүн басма сөз кызматынын маалыматына ылайык, гуманитардык жүктү кабыл алуу аземине вице-премьер-министр Эльвира Сурабалдиева, саламаттыкты сактоо министри Алымкадыр Бейшеналиев жана Өзбекстандын Кыргыз Республикасындагы толук жана ыйгарым укуктуу элчиси Хуршид Мирзахидов катышты.

Вице-премьер-министр Эльвира Сурабалдиева өзбек тарапка COVID-19 илдетине каршы күрөшүү боюнча чаралардын алкагында көрсөтүлгөн көмөгү үчүн ыраазычылык билдирди.

"Өзбекстандын өкмөтүнө эпидемиологиялык кырдаалга байланыштуу көрсөткөн көмөгү үчүн терең ыраазычылык билдирем. Бул коронавирустук инфекцияга каршы күрөшүүгө багытталган алгачкы гуманитардык жардам эмес. Белгилей кетсек, кыйынчылык учурда Өзбекстан тарабынан көрсөтүлүп жаткан колдоо өз учурунда берилип, ал биздин өлкөлөр ортосундагы чыныгы бир туугандык мамилелердин көрсөткүчү болуп саналат", - деп белгиледи Эльвира Сурабалдиева.

Жыйынтыгында вице-премьер-министр стратегиялык өнөктөштүк алкагында эки өлкөнүн биргелешкен күч-аракеттери аркылуу COVID-19 эпидемиясына каршы күрөштө жеңишке жетишерине ишеним билдирди.

Медициналык жүктүн номенклатурасы:

* бир жолу колдонулуучу кол каптар - 100 миң даана;
* бир жолу колдонулуучу коргоочу комбинезондор - 10 миң даана;
* коргоочу көз айнектер – 2 миң даана;
* бир жолу колдонулуучу бет каптар – 100 миң даана;
* Гепарин 5 миллиграмм – 1 миң куту;
* Ремдесевир – 5 миң таңгак;
* COVID-19 вирусунун алдын алуу үчүн медициналык топтом – 10 миң даана;
* COVID-19 вирусун аныктоо үчүн тест – 10 миң даана;
* натрий хлор 100 миллиграмм – 4 миң даана;
* бир жолу колдонулуучу шприцтер – 60 миң даана;
* тамчылатуучу системдер – 20 миң даана.

Автор: Бактыгүл Момбекова

09:12 16-11-2020

Жазылуу

РУБРИКАДАГЫ СОҢКУ КАБАРЛАР

10:53 2026-09-28 | Коом жана турмуш

Кара-Кечеге "кыш" келди (видео) 7 0

10:51 2026-09-28 | Коом жана турмуш

Ысык-Көлдө эс алуучу жайдын аймагындагы курулуш калдыктары боюнча чара көрүлдү (видео) 20 0

10:51 2026-09-28 | Кылмыштар, кырсыктар

Новопокровкада автобус үйдүн дубалын сүзүп алды 31 0

10:46 2026-09-28 | Саясат

Тармактык комитетте Жогорку Кеңештин токтом долбоорлору каралды 30 0

10:45 2026-09-28 | Кылмыштар, кырсыктар

Бишкекте мас айдоочу электровелосипедчендерди сүзүп, алардын бири каза болду (видео) 60 0

10:39 2026-09-28 | Коом жана турмуш

Дем алыш күнү өлкөдө 2 ирет жер титиреди 105 0

Архив

Комментарийлер (3)

salimbek87.kg

2020-11-16 09:30:09

Аллах раазы болсун Өзбек элине жана журт башчысына

bond02

2020-11-16 09:44:43

Гум жардамга суйунуп журо берет экенбиз да, Шавкат Садырды башынан кармайын дептир да, эртен ошолор менен чек ара маселеси жаралса биздикилер алар эмне десе макул болушат, себеби алар берген биздикилер алган.

-6

Bobby1995

2020-11-17 20:44:52

Келип эле атат не ошолорду элге бербей атат доктурга барсан Бир парацетамол жок

Комментарий калтыруу үчүн өз ысымыңыз менен кириңиз же каттоодон өтүңүз.