Ош шаарынын мэри Таалайбек Сарыбашов ден соолугуна байланыштуу Бишкек шаарындагы ооруканалардын биринде дарыланууда. Мындай маалыматты Ош шаардык мэриясынын басма сөз катчысы Азамат Абсаттаров SUPER.KG порталына тастыктады.
"Таалайбек Сарыбашов ушул аптанын башында ден соолугуна байланыштуу Бишкектеги ооруканага жатты. Ал коронавирус болуп ооруган жок. Мэрдин милдеттерин аткаруу иштери убактылуу биринчи вице-мэр Саибжан Турдуевге жүктөлдү", - деди Абсаттаров.