Мурдагы президент Алмазбек Атамбаевдин кызы Алия Шагиева таштандылардын арасында түшкөн сүрөттөрүн социалдык тармактагы баракчасына жарыялады.
Алия Шагиева айлана чөйрөнү коргоо жана таштанды менен күрөшүүгө чакырып, атайын сүрөткө түшкөн. Анын сүрөттөрүнөн адам баласынын табиятка жасаган орой мамилесинин күчөп бараткандыгы тууралуу ойлонууга болот.
"Биз бир нерсе жасай алабызбы? Эмне кылабыз? Кырдаалды жөнгө салуу үчүн башкы эреже – өзүңүздөн баштаңыз. Муну менен мен баары жаман, же адам баласы кандай коркунучтуу экендигин айткым келбейт. Анткени баары жаман эмес, адамзатка деген жакшы үмүт дагы да болсо бар. Мен дүйнөгө ишенем", - деген пикирин жазган Алмазбек Атамбаевдин кызы.