Эл аралык олимпиаданын жеңүүчүлөрү сыйланды

Бүгүн, 19-ноябрда Билим берүү жана илим министрлигинде “54-Эл аралык Менделеев химия олимпиадасы” жана “IchO-2020” олимпиадаларынын жеңүүчүлөрү министрлик тарабынан баалуу белектер менен сыйланды. Бул тууралуу аталган министрликтин басма сөз кызматынан билдиришти.

2019-2020-окуу жылында Кыргыз өлкөсүнүн жалпы билим берүү уюмдарынын окуучулары арасында пилоттук түрдө альтернативдүү олимпиада өткөрүлгөн.

Олимпиаданын негизги максаттары:

физика, математика, биология, химия жана информатика боюнча эл аралык олимпиадаларга катышуу үчүн талапкерлерди тандоо жана даярдоо;
өзгөчө зээндүү окуучуларды аныктоо жана жөндөмдөрүн өнүктүрүү;
окуучулардын табигый-математикалык циклдеги предметтерди терең өздөштүрүү боюнча окууга умтулуусунун жана кызыгуусунун деңгээлин жогорулатуу;
окуучуларда критикалык талдоо көндүмдөрүнүн, жеке мүмкүнчүлүктөрүн баалоо жөндөмдөрүнүн өнүгүүсүнө жана жеке билиминин келечектеги жолун аныктоого көмөктөшүү;
эл аралык олимпиадалардын жеңүүчүлөрүн даярдоочу жогорку квалификациялуу, чыгармачыл окутуучуларды аныктоо жана шыктандыруу эсептелет.

Автор: Жылдыз Джускембаева