Швеция жана Ирландия өлкөлөрүндө норкалар атайылап өлтүрүлүүдө

Коронавирус инфекциясы Швециядагы норка фермаларында иштеген адамдардан табылган. Бул тууралуу аталган өлкөнүн улуттук саламаттыкты сактоо агенттигинин билдиргенине таянып, чет элдик маалымат булактары жазып чыгышты.

Анда айтылгандай, бир катар кызматкерлерден коронавирус илдети аныкталган. Вирусту канча адам жуктурганы такталган эмес. Учурда бийлик коронавирус жуктурган адамдардан жана норкалардан алынган вирустун белгилерин изилдеп жатат. Алардын ортосунда байланыш бар же жогун аныктоо пландалууда.

Буга чейин Данияда коронавирус инфекциясы аныкталган норкаларды жок кылгандан кийин мутацияланган коронавирус белгиси жоголуп кеткени маалымдалган. Ошондой эле аталган өлкөдө илдеттин белгилери табылган 300гө жакын чарбада норкалар атайылап жок кылынган. Грециядагы норка фермаларында да коронавирус жуктурган норка табылган. Дүйнөлүк саламаттыкты сактоо уюму норкалардын коронавируска сезгичтигин ырастап, аларды адамдарга коркунучтуу абалга кептей турганын билдирген.

Ошондой эле Ирландияда үч норка фермасы бар, алардын бирөөсүндө дагы жаныбарларга COVID-19 жуккан учурлар катталган эмес. Жакынкы аралыкта жаныбарларды жок кылуу боюнча чечимди ишке ашыруу планы жок, бирок чарба ээлери буга чейин Саламаттыкты сактоо министрлигинен эскертүү алышкан. Ирландия өкмөтүнүн программасында өлкөдөгү норка чарбасын биротоло жок кылуу пункту бар. Бирок фермерлерге учурдагы буйрутмаларды аткаруу үчүн өлгөн малдын терисин алып калууга уруксат берилиши мүмкүн.

Алар мутацияланган вирус адамдарга жугуп, антитело түзүү жөндөмүн начарлатарын белгилешти. 9-ноябрга карата Ветеринардык жана азык-түлүк башкармалыгынын маалыматы боюнча, өлкөдө 2,5 миллиондон ашык жаныбар жок кылынды. Бир нече күндөн кийин өкмөт жаныбарларды толугу менен союу талабы боюнча эч кандай мыйзамдуу негиз жок экендигин моюнуна алды. Мындай чечимдерди кабыл алууга мүмкүндүк бере турган мыйзам долбоору парламенттин кароосуна киргизилди. 19-ноябрда Даниянын Саламаттыкты сактоо министрлиги фермерлердеги шахталарда SARS-CoV-2 вирусунун белгилери жоголуп кеткен деп билдирди. Департаменттин маалыматына ылайык, падышалык 15-ноябрдан бери вирустун мутацияланган бир дагы учурун каттай элек деп айтылат маалыматта.

Автор: Алина Айдарбекова