ӨКМ: "10 ай ичинде ар кандай кырдаалдардан 221 адам куткарылды"

10 ай ичинде ар кандай кырдаалдардан 221 адам куткарылды. Бул тууралуу Өзгөчө кырдаалдар министрлигинин басма сөз кызматынан билдиришти.

"Өрт кырсыганан 102 адам, жол кырсыгынан - 74, экстремалдык абалда – 44 жана көлмөдөн 1 адам куткарылды. Мындан тышкары куткаруучулар тарабынан жалпысынан 829 адамга жардам көрсөтүлгөн, анын ичинен 33 адамга дарыгерге чейинки жардам, күтүүсүз жагдайга туш болгон 392 адамга жардам көрсөтүлсө, үйлөрүнүн эшиктери жабылып калган 404 адамга жардам берип, эшиктерин ачып беришкен", - деп жазылат маалыматта.

Автор: Жылдыз Джускембаева