Бүгүн Жогорку Кеңештин укук тартип комитетинде бюджет тууралуу мыйзам долбоору каралат

Бүгүн, 23-ноябрда Жогорку Кеңештин Укук тартиби, кылмыштуулук менен күрөшүү жана коррупцияга каршы аракеттенүү боюнча комитетинин жыйыны өтөт. Бул тууралуу парламенттин сайтына жарыяланды.

Күн тартипке ылайык, жыйында 3 маселе каралат. "2020-жылга республикалык бюджети жана 2021-2022-жылдарга болжолу жөнүндө" мыйзам долбоору талкууланат. Баяндаманы вице-премьер-министр Максат Мамытканов жасайт. Мындан тышкары "Салыктык талаш-тартыштарды кароо маселелери боюнча Кыргыз Республикасынын айрым мыйзам актыларына өзгөртүүлөрдү киргизүү жөнүндө" мыйзам долбоору каралат.

Автор: Жылдыз Джускембаева