Депутат Кыдыралиев дипломаттардан акча аябоо керектигин айтты

Депутат Үмбеталы Кыдыралиев дипломаттардан акча аябоо керектигин айтты. Бул тууралуу ал бүгүн, 25-ноябрда Жогорку Кеңештин жыйынында билдирди.

"Тышкы иштер министрлигине бөлүнгөн каражаттар тууралуу айтсам, тышкы карыздарды реструктуризациялоо багытында иш алып барган дипломаттардан акча аябоо керек", - деди ал.

Депутат Айнуру Алтыбаева "Тышкы карызды төлөө мөөнөтү кечиктирилип жаткан жокпу?" деп сурады. Премьер-министрдин милдетин аткаруучу, биринчи вице-премьер-министр Артём Новиков бардык каржылык милдеттемелер аткарылып жаткандыгын билдирди.

Учурда бюджет тууралуу мыйзам долбоору каралууда.

Автор: Жылдыз Джускембаева