Келерки жылы салык жана бажы жол-жоболорун санариптештирүүгө өзгөчө көңүл бурулары айтылды

Бүгүн, 25-ноябрда Жогорку Кеңештин жыйынында бюджет тууралуу мыйзам долбоорлору каралды. Анда баяндаманы премьер-министрдин милдетин аткаруучу Артём Новиков жасады.

"Келерки жылы салык жана бажы жол-жоболорун мындан ары карай санариптештирүүгө өзгөчө көңүл бурулат. Бизнестин ишин жөнөкөйлөтүү жана ишкерлерди колдоо менен катар эле, көмүскө экономикага каршы натыйжалуу күрөшүү бюджеттин киреше бөлүгүн камсыз кылууга жана социалдык милдеттенмелерди аткарууга мүмкүндүк берет", - деди Артём Новиков.

Автор: Жылдыз Джускембаева