Коронавирус пандемиясынан улам белгисиз мөөнөткө жабылган Ош шаарындагы кинотеатрлар эртең, 3-декабрдан баштап ишин баштайт. Бул тууралуу Ош шаардык мэриясынын басма сөз кызматынан билдиришти.
"Ош шаарында эртең, 3-декабрдан тарта кинотеатр, интернет клуб, кафе-ресторан жана балдар ойноочу жайлардын иштөөсүнө уруксат берилди. Уруксат берилген жайларда санитардык талаптар толук сакталышы шарт", - деп билдиришти мекемеден.
Маалыматка ылайык, уруксат берилген жайларда жарандар аралыкты сактоо менен отургузулуп, зал 50 пайызга гана толтурулушу керек.