Артём Новиков Баткен жана Ош облустарына иш сапары менен барат

Премьер-министрдин милдетин аткаруучу, биринчи вице-премьер-министр Артём Новиков 7-9-декабрда Баткен жана Ош облустарына иш сапары менен барат. Бул тууралуу өкмөттүн басма сөз кызматынан билдиришти.

Маалыматка ылайык, Артём Новиков иш сапардын алкагында өндүрүш объектилеринин иши менен таанышып, Исфана шаарындагы аэропорттун ачылыш аземине катышат жана Кадамжай шаарындагы оорукананын курулуш ишинин жүрүшүн көрөт.

Премьер-министрдин милдетин аткаруучу, ошондой эле жумушчу сапардын алкагында ушул жылдын 8-декабрында Өзбекстандын Фергана шаарында өтө турган өкмөттүн чек арага чектеш облустарынын ыйгарым укуктуу өкүлдөрүнүн жана Өзбекстандын чек ара аймактарынын акимдеринин жыйынына катышат.

Иш сапардын соңунда Новиков "Эркеч-Там" көзөмөл-өткөрмө жайынын иши менен таанышат.

Автор: Жылдыз Джускембаева