Эне тилге эки мүнөт: "Каалапсың кашкөй аялды, анык айт мага дартыңды". Кашкөй дегенди кандай түшүндүңүз?

"Эне тилге эки мүнөт" рубрикасынын бул жолку чыгарылышында кыргыз тилиндеги тарыхый, архаизм сөздөрдүн маанисин эл аралык Кувейт университетинин лингвистика жана социалдык гуманитардык илимдер кафедрасынын доценти Гүлнур Жамалбекова түшүндүрүп берди.

1. Абаз - үн, добуш. Мисалы: Сүйлөгөнүң булбулдун абазындай Паризат. (А.Токомбаев)

2. Кашкөй - сүрдүү, өжөр, тайманбас. Мисалы: Каалапсың кашкөй аялды, анык айт мага дартыңды. (Тоголок Молдо).

3. Адаш - аты уйкаш, ысымдары окшош. Мисалы: Ой адашым! Сиз жеген уча, ой, тайдыкы эмес, эшектики экен! (тамашалап). (С. Жигитов).

Автор: Гүлдана Мамадали кызы