Орусия Кыргыз өлкөсүнө мобилдик лаборатория тапшырды

Орусия Кыргыз өлкөсүнө мобилдик лаборатория тапшырды. Бул тууралуу Саламаттыкты сактоо министрлигинин басма сөз кызматынан маалымдашты.

Маалыматка ылайык, саламаттыкты сактоо министринин орун басары, өлкөнүн башкы санитардык дарыгери Нурболот Үсөнбаев Санкт-Петербург шаарында өтүп жаткан коронавирустук инфекция маселесине арналган эл аралык илимий-практикалык конференцияга катышууда.

Аталган иш-чарада Кыргыз өлкөсүнө мобилдик лабораторияны тапшыруу аземи болду.

"Аталган мобилдик лаборатория ар кандай бактерияларды, вирустарды, анын ичинде коронавирус инфекциясын, ошондой эле азык-түлүктү, топуракты изилдөө үчүн иштелип чыккан", - деп жазылат маалыматта.

Автор: Айжанар Рыспек кызы