#ГалстукТар долбоорунда Бишкек шаарынын мэринин милдетин аткаруучу Түлөбаев "кызматтык сүйүүсү" тууралуу айтып берди

SUPER.KG порталында жаңыдан старт алган #ГалстукТар долбоорунун алгачкы коногу Бишкек шаарынын мэринин милдетин аткаруучу Балбак Түлөбаев болду.

Анда Түлөбаев журналисттердин суроосуна жооп берип жатып, өзүнүн жубайына болгон сезимдерин дагы билдире кетти.

"Жубайым белгилүү журналист Кубан Мамбеталиевдин кызы. Токой чарбасы мамлекеттик агенттигинде мен директордун жардамчысы, ал маалымат катчы болуп иштеп жүргөндө таанышканбыз. Бизде "кызматтык сүйүү" болгон. 3 жыл бири-бирибизге карашып жүрүп, үйлөнгөм. Ошондон бери жубайым карьерасын жасабай, үй-бүлөсүнө, эки кызына, мага турмушун арнады. Дагы деле ушул эки кызын, мени карап жүрөт. Мен ага аябай ыраазымын. Мен аялымды аябай сүйөм" , - деди Түлөбаев.