Бишкекте атайын мектеп жана бала бакчалардын иши жандандырылат

Бишкек шаарындагы атайын мектеп жана бала бакчалардын иши жандандырылат. Бул тууралуу мэриянын басма сөз кызматынан билдиришти.

Маалыматка ылайык, бүгүн, 14-декабрда вице-мэр Айжан Чыныбаев шаардык билим берүү башчысы Элмира Иманалиев менен биргеликте кеңешме өткөрүп, ага райондук администрация өкүлдөрү, райондук билим берүү башчылары жана атайын мектеп, бала бакчалардын кызматкерлери катышты.

Шаардык бийликтин мындай чечим кабыл алуусуна көптөгөн ата-энелердин кайрылуулары себеп болгон. Иши жандандырылган мекемелердин ар бир кызматкери ПЦР-тест тапшырып, андан соң гана жумушка чыгышат.

Ошондой эле санитардык нормаларды сактоо катуу көзөмөлгө алынат.

Автор: Гүлзада Абдырахманова