Эне тилге эки мүнөт: "Таежесинин көңүлү чак болгону сейрек, көбүнесе жылдызы жерге түшүп жүргөнүн көрөсүң". Жылдызы жерге түшүү деген эмне?

"Эне тилге эки мүнөт" рубрикасынын бул жолку чыгарылышында фразеологизм сөздөрүнүн маанисин эл аралык Кувейт университетинин лингвистика жана социалдык гуманитардык илимдер кафедрасынын доценти Гүлнур Жамалбекова түшүндүрүп берди.

1. Колу оозуна жетүү - өз алдынча жашоого жетишүү, мүмкүнчүлүгү болуу, турмуш шарты оңолуу. Мисалы: Бул үй колу оозуна жетпеген бир шордуунуку экенин сураштырбай эле билгидей. (К.Жантөшев)

2. Жылдызы жерге түшүү - көңүлү чөгүү, капа болуу, кабагы ачылбай түнөрүп калуу. Мисалы: Таежесинин көңүлү чак болгону сейрек, көбүнесе жылдызы жерге түшүп, томсоруп жүргөнүн көрөсүң. (Ч.Айтматов)

4. Кандан-бектен кайра тартпаган - жалтанбаган, коркпогон, таамай, түз сүйлөгөн. Мисалы: Тоголок Молдо кандан-бектен кайра тартпаган, акыйкатка үндөгөн, жакырларга жан тарткан акын. (Ш.Бейшеналиев)

Автор: Гүлдана Мамадали кызы