Депутат Тазабек Икрамов Бишкектеги кара түтүндү жок кылуунун кандай жолдору каралып жатканын сурады. Бул тууралуу ал бүгүн, 16-декабрда Жогорку Кеңештин жыйынында билдирди.
Курчап турган айлана-чөйрөнү коргоо мамлекеттик агенттигинин директорунун орун басары Элдияр Шерипов Бишкек шаарындагы дизель менен жүргөн маршруттук таксилерди газ менен жүргөн автобуска же троллейбуска которуу керектигин айтты. "2018-2019-жылдары автобус, троллейбустар келген. Быйыл 100 автобус келмек каражат жок келбей калды. Колдон келишинче шаардын тегерегиндеги конуштарды газга өткөрүү зарыл", - деди Шерипов.