Өкмөт: "Жапайы жаныбарларга мыйзамсыз түрдө аңчылык кылгандарга айып пулдун өлчөмү жогорулатылды"

Жапайы жаныбарларга мыйзамсыз түрдө аңчылык кылгандарга айып пулдун өлчөмү жогорулатылды. Бул тууралуу өкмөттүн басма сөз кызматынан билдиришти.

Жапайы жаныбарларды, анын ичинде Кызыл китепке киргизилген жаныбарларды мыйзамсыз олжолоо, же алардын өлүмүнө жол бергендик үчүн айып пулдун өлчөмү жогорулатылды.

Бул тууралуу чечимге премьер-министрдин милдетин аткаруучу, биринчи вице-премьер-министр Артём Новиков кол койду.

Жапайы жаныбарларды жана ошондой эле Кызыл китепке кирген айбанаттарга мыйзамсыз аңчылык кылгандарга айып пулдун көлөмү жаныбардын базардагы наркынан экиден 10 эсеге чейин жогорку баа менен белгиленет.

Автор: Жылдыз Джускембаева