"Ал жыл жыйынтыктоочу бааларды коюп үлгүрдү...". Өмүрүнүн соңку мүнөтүнө чейин иштеген АКШдагы мугалимдин сүрөтү

АКШдагы Техас штатынын Сандра Венегас аттуу жашоочусу атасынын сүрөтүн социалдык тармактагы баракчасына жарыялап, ошол сүрөткө баяндама жазган. Бул тууралуу чет элдик маалымат булактары жазууда.

Маалыматка ылайык, Сандра Венегастын атасы Алехандро Наварро мугалим болуп иштеген. Жогорудагы сүрөт тартылган учурда окуу жылынын аягы болуп, окуучуларга жыйынтыктоочу бааларды коюу зарыл болуп турган. Мугалимдин кызы атасынын жүрөк оорусу бар экенин, ал күчөп кеткенде ооруканага алып келгенин айткан.

"Бирок ал адегенде ноутбук менен анын кубаттагычын жанына алып алды", - деген Сандра Венегас.

"Атам ооруп, кыйналып жатты. Жүрөгү ооругандыктан дарыгерлер күтүүсүздөн жүрөгү сокпой калышы мүмкүн экенин эскертишкен. Атам абдан шашып иштеди, окуучуларына бааларын коюп, окуу жылынын жыйынтыгын чыгарууга үлгүрөйүн деди. Окуучулар үчүн бул баалар маанилүү экенин эске алып жатты. Ооба, ал үлгүрдү... Дарыгерлер келип абалын сураганда да аларга кыска жооп берип, жумушу менен алек болуп жатты. Мен барганда дагы мага көп көңүл бурган жок, ноутбугун карап соңку жумуштарын берилүү менен жасап жатты. Азыр ноутбугун жаап салып, атам менен кенен маектешип, көп убакытты чогуу өткөрбөгөнүмө өкүнөм", - деген Сандра Венегас сүрөткө жазган билдирүүсүндө. Ал белгилегендей, сүрөт атасынын өмүрүнүн аягында тартылып алынган.

Учурда бул сүрөткө интернет колдонуучулар тарабынан абдан көп реакция болуп жатканы жазылат маалыматта. Баса, Сандра Венегас дагы атасынын жолун жолдоп мугалимдик кесипти аркалаган.

Автор: Гүлзада Абдырахманова

09:54 22-12-2020

Жазылуу

РУБРИКАДАГЫ СОҢКУ КАБАРЛАР

11:29 2025-05-18 | Түркүн дүйнө

Израилдин Газага жасаган соккуларынан кеминде 78 киши набыт болду 54 0

10:35 2025-05-18 | Түркүн дүйнө

АКШдагы торнадодон кеминде 21 киши каза болду (видео) 284 0

10:04 2025-05-18 | Түркүн дүйнө

"Евровидение-2025" сынагын австриялык ырчы жеңип алды (видео) 337 0

09:39 2025-05-18 | Коом жана турмуш

Садыр Жапаров кыргызстандыктарды Энелер күнү менен куттуктады 315 0

09:27 2025-05-18 | Кылмыштар, кырсыктар

"Кыздын колун скотчтоп..." Адам уурдоого шектелгендер кармалышты 671 0

02:15 2025-05-18 | Коом жана турмуш

Бишкектин борбордук аянтындагы желек айрылды (видео) 1535 0

Архив

Комментарийлер (1)

Shanson

2020-12-22 13:55:56

Даңк! Просто даңк!
Ишине берилгендик.
Хотя.. мусулман болуп келме айтып акыретке узаса андан да сонун болмок.

Ишине олуттуу мамиле жасагандарды сыйлаганымдан жанбайм.

Комментарий калтыруу үчүн өз ысымыңыз менен кириңиз же каттоодон өтүңүз.