Украинада орус дүйнөсүн пропагандалагандар кылмыш жоопкерчилигине тартылышы мүмкүн

Украинада орус дүйнөсүн пропаганда кылгандарды кылмыш жоопкерчилигине тартуу сунушталды. Бул тууралуу чет элдик басылмалар жазышууда.

Маалыматка ылайык, президенттик "Элдин кызматчысы" партиясынын депутаттары Олег Дунда менен Александр Аликсийчук Украинанын Жогорку Радасында "Орус дүйнөсүнүн" идеологиясын айыптаган мыйзам долбоорлорун катташты.

Мыйзам чыгаруу демилгелеринин биринин атына караганда, анын авторлору мындай идеяларды үгүттөгөндүгү үчүн кылмыш жоопкерчилигин белгилөөнү сунушташты.

Документтин тексттери, ошондой эле аларга түшүндүрмө каттар азырынча Раданын сайтында жок.

Ошондой эле Дунда менен Аликсийчук жакында эле Орусия менен Украинанын ортосундагы ар кандай тармактардагы мамилелерди, анын ичинде газ транзитин жана Кара деңиз флотунун жайгашуусун жөнгө салган 2010-жылдагы "Харьков келишимдерин" айыптаган мыйзам долбоорунун авторлору болушкан. Москва келишимди 2014-жылы Крым кайтып келгенден кийин денонсациялаган.

Буга чейин президенттин пресс-катчысы Дмитрий Песков Кремль Украинаны орус дүйнөсүнүн бир бөлүгү деп эсептейт, анткени орус тилдүү тургундар жана Орусия менен тарыхый жана маданий байланышы бар адамдар көп деп айткан. Анын айтымында, бийлик бул идеологияны “эч качан эл аралык укукка каршы келген ыкмаларды колдонбостон” жумшак күч менен жайылтат.

Автор: Айзада Кыдырмышева