Кубада метеорит кулап, жарылып кетти

Космостук метеориттин кулашы жана жарылышы 19-март, жума күнү кечинде Кубанын чыгыш бөлүгүндөгү Моа шаарынын аймагында болгон. Бул тууралуу чет элдик басылмалар жазышты.

Маалыматка ылайык, бул көрүнүш сейсмологиялык станция тарабынан жергиликтүү убакыт боюнча саат 22:06да катталган. Окуяга күбө болгондордун айтымында, асманда кызыл жана ак түстө жаркыраган нурлар көрүнүп, андан кийин катуу жарылуу угулган.

Улуттук сейсмологиялык кызматтын башчысы Энрике Аранго Ариас басылмаларга буга чейин метеориттин кулашы жөнүндө сөз болуп жатканын тастыктаган. "Биздин жабдуулар катуу сокку толкунун каттады, бирок сенсорлор анын жердин жарылышы эместигин көрсөттү", - деди ал.

Кыйроолор жана курмандыктар тууралуу маалымат жок.

Автор: Айзада Кыдырмышева