"400дөн ашуун адам набыт болгон". Мьянмада демонстранттардын массалык өлтүрүлүшү дүйнөлүк нааразычылыкты жаратууда

Мьянмада демонстранттардын массалык өлтүрүлүшү дүйнөлүк нааразычылыкты жаратууда. Бул тууралуу дүйнөлүк басылмалар жазып чыгышты.

Маалыматка ылайык, АКШнын Мамлекеттик департаменти Мьянмадагы нааразычылык акцияларын басуу учурунда кан төгүлүп, алар "террор падышалыгы" деп аташты. БУУнун Мьянма боюнча атайын баяндамачысы Том Эндрюс Куралдуу күчтөр күнүн кысымга алууну айыптап, аны "массалык өлтүрүү" деп атады.

БУУнун атайын баяндамачысы БУУнун Коопсуздук Кеңешин Мьянмадагы кырдаалды жөнгө салууга чакырат.

Мьянмадагы саясий туткундарга жардам берүү ассоциациясынын билдирүүсүнө караганда нааразычылык акциялары учурунда 423 адам курман болгон. Эки айга жакын нааразычылык акциясында коопсуздук күчтөрү 3 миңге жакын адамды камакка алышкан.

27-март өлкөдөгү бийликти басып алган генералдар менен төңкөрүштү кабыл алуудан баш тарткан калктын күрөшүнүн бүткүл мезгилиндеги эң кандуу күн болду.

28-мартта 12 мамлекеттин коргоо департаментинин башчылары биргелешкен билдирүү таратып, Мьянмадагы аскер күчтөрүнүн аракеттерин айыпташты. Билдирүүгө Австралия, Канада, Германия, Греция, Италия, Япония, Дания, Нидерланды, Жаңы Зеландия, Түштүк Корея, Британия жана АКШнын Коргоо министрлери кол коюшту.

"Кесипкөй аскерлер эл аралык жүрүм-турум стандарттарын сакташат жана кызмат кылган адамдарга зыян келтирбестен, аларды коргоого милдеттүү", - деп жазылат билдирүүдө.

Айта кетсек, 1-февралда Мьянмада бийликти аскерлер көзөмөлгө алып, өлкө көп партиялуу демократиялык системге өткөндүгүн жарыялаган. Аскер бийлиги өлкө боюнча бир жылга киргизилген өзгөчө кырдаал абалы аяктагандан кийин шайлоо өткөрүүнү убада кылышкан. Демонстранттар армияны бийликти демократиялык жол менен шайланган өкмөткө кайтарып берүүнү, 2020-жылы 8-ноябрда шайланган парламенттин биринчи сессиясын чакырууну жана камакка алынган лидерлерди токтоосуз бошотууну талап кылышууда.

Автор: Алина Айдарбекова