Израилде коронавирустун жаңы түрү аныкталды

Израилде окумуштуулар коронавирустун жергиликтүү түрүн аныкташты. Анын эпидемиянын жүрүшүнө таасири болгон эмес. Бул тууралуу Израилдин Саламаттыкты сактоо министрлигине шилтеме берүү менен чет элдик басылмалар жазып чыгышты.

Маалыматка ылайык, каралып жаткан изилдөө өлкөдөгү пандемия учурунда аныкталган оорунун бардык түрлөрүнө тиешелүү. Аныкталган израил штаммы илимпоздордун айтымында, эч кандай клиникалык же эпидемиологиялык мааниге ээ эмес, башкача айтканда, инфекциянын жайылуу ылдамдыгына таасир этпейт, оорунун белгилерин күчөтпөйт жана вакцинанын натыйжалуулугуна таасир этпейт.

Автор: Алина Айдарбекова