Жакын арада смартфондор кымбатташы мүмкүн

Смартфондор өндүрүү үчүн компоненттердин жетишсиздигинен улам кымбатташы мүмкүн. Бул тууралуу кытайлык басылмалар жазып чыгышты.

Маалыматка ылайык, басылмалардын аналитиктеринин айтымында, телефондорду өндүрүүчү компоненттердин жоктугу компанияларга бааны көтөрүп, таңсыктыкты күнөөлөөгө мүмкүндүк берет. "Кеңири аудитория үчүн алар компаниялар өтө тартыштыкта жашап жатышат деген ойду жайылтууну улантып жатышат жана бул көптөгөн шаймандардын баасынын өсүшүнө түрткү берүүдө", - дешти эксперттер.

Мисал катары журналисттер компаниянын топ-менеджерлери смартфондор базарындагы баалардын жакын арада кымбатташын божомолдогон Realme компаниясынын акыркы отчётун келтиришти. Корпорация баалардын көтөрүлүшү жылдын экинчи жарымында байкаларын билдирген. "Кыязы, топ-менеджерлер бизди баалардын көтөрүлүшүнө даярдап жатышат окшойт", - деп жыйынтык чыгарышкан авторлор, ушундай жол менен ири компаниялар керектөөчүлөрдү гаджеттерди активдүү сатып алууга түрткү берерин белгилешти.

Башка жагынан алганда, өндүрүүчүлөр кымбат баалуу смартфондорду активдүү чыгарууну улантышууда. "Баары булутсуз жана базар коронавирус пандемиясынан эң аз чыгым менен аман-эсен өткөндөй таасир калтырат", - деп жыйынтыкташкан журналисттер.

Автор: Айзада Кыдырмышева