Португалиядагы зоопаркта маймыл 5 жашар баланын манжасын тиштеп жулуп алды

Португалиянын Вила-Нова-ди-Гая шаарында жайгашкан зоопаркта маймыл 5 жашар баланын манжасын тиштеп, жулуп алган. Бул тууралуу чет элдик басылмалар жазып чыгышты.

Маалыматка ылайык, 9-апрель күнү бала ата-энеси менен зоопаркка барган. Бала маймыл жаткан капаска жакындаганда ал колун тиштеп, манжасын жулуп алган.

Полиция кызматкерлери дароо барып манжаны табуу иштерин жүргүзүшкөн. Бул учурда бала ооруканага операция жасатуу үчүн жеткирилген. Ал эми кесилген манжа кайрадан ордуна келеби же жокпу, ал тууралуу маалыматта жазылган эмес. Баланын абалы туруктуу деп жазылат маалыматта.

Зоопарктын кызматкерлери окуя баланын маймылга жер жаңгак бергиси келип, коопсуздук эрежелерин бузганынан улам келип чыккан деп билдиришкен.

Автор: Алина Айдарбекова