Уу коргошун темасын улай... Министр Алымкадыр Бейшеналиевди илимий даражаларынан ажыратуу сунушу көтөрүлүүдө

Дарыгерлер Медициналык академиянын жана Билим берүү министрлигинин илимий кеңешинин мүчөлөрүнөн саламаттыкты сактоо жана социалдык өнүгүү министри Алымкадыр Бейшеналиевди илимий даражаларынан ажыратууну талап кылышууда. Бул тууралуу аталган сунуштун демилгечиси Айсулуу Атаканова Фейсбук баракчасына жазып чыкты.

"Акыркы окуяларга байланыштуу тергөө жүргүзүп, саламаттыкты сактоо министри Алымкадыр Бейшеналиевдин илимий даражаларын жокко чыгарууну суранам!

Ал илимий чөйрөнү, жүздөгөн профессорлордун жана миңдеген илимдин кандидаттарынын беделин түшүрдү. Кыргыз өлкөсүндө эгер окумуштуулар мындай кадам жасап жатса, диссертациялар менен илимий наамдар бир тыйынга деле арзыбайт. Министр учурдагы мыйзамдарды гана бузбастан медицинанын негизги мыйзамдарын жана мүмкүн болгон илимий жана этикалык нормаларды да бузган.

Кыргыз өлкөсүндө илимий жана академиялык чөйрө көз карандысыз, адилеттүү жана заманбап бойдон калууга тийиш. Илимий чөйрө бийликке баш ийбеши керек. Учурда укук коргоо органдары тарабынан адилеттүүлүккө ишенүүгө болбойт.

Кыргыз мамлекеттик медициналык академиясынын бүтүрүүчүлөрүнүн атынан мындай өзүм билемдикке жол бербөөнү суранам! Мындай жагдай кайра уланышы мүмкүн. Ар бир илимдин кандидаты адамдарга жаңы ууларды же дары-дармектерди колдонуп көрүүнү үйрөнүшөт", - деген Айсулуу Атаканова.

Белгилей кетсек, аталган демилгени далилдүү медицина жаатындагы белгилүү эксперт Бермет Барыктабасова да колдоду.

Эске салсак, Кыргыз өлкөсүнүн президенти Садыр Жапаров өлкөнүн дарыгерлери коронавирусту эффективдүү дарылоонун жолун тапканын билдирген.
"Оору башталганда барсаңыздар дарыгерлер бир же эки күндүн ичинде таптаза айыктырып чыгарып жибере турган дары таап алышты. Ал дары тууралуу видедон көрсөңүз болот", - деп жазган президент социалдык тармактагы баракчасына.

Постко тиркелген видеодо адамдар тунук затты бөтөлкөгө куюшат. Бөтөлкө этикеткаларында "Ысык-Көлдүн тамыры" деп жазылып турганын көрүүгө болот.

Бул видео жана билдирүү коомчулуктун кызыгуусун жаратып, талкууга алына баштады. Көпчүлүгү социалдык тармактагы баракчасына бул суусундукту ичүүгө болбой турганын, аны колдонуу өтө кооптуу экенин жазып чыгышты.

Талкуу жаратып жаткан уу коргошунду колдонуу жолу, кантип үчүү керектигин 16-апрелдеги маалымат жыйында саламаттыкты сактоо жана социалдык өнүктүрүү министри Алымкадыр Бейшеналиев айтып, атүгүл ал тундурманы журналисттерге көрсөтүп ичти.

Айтымында, алар бул ичимдикти колдонуп 300 коронавирус менен ооруган бейтаптарды дарылаган жана аны колдонуу айтылып жаткандай кооптуу эмес.

Маалымат жыйындан кийин талкуу кайра күч алды. Мындан улам SUPER.KG порталы адис менен бул теманын тегерегинде маектешти. Окурман, маекти толук ушул шилтемени шилтеп кирип окуңуз.

Ал эми талкуу жараткан бул темадан кийин өздөрүн элдик дарыгер атаган табыптар бул өсүмдүккө карата маалыматтары менен бөлүшө баштады.

Автор: Айжанар Рыспек кызы

11:19 18-04-2021

Жазылуу

Тектеш кабарлар:

"Ухан вирусу": Дүйнөдө коронавирус инфекциясын 154 миллион 763 миң 588 адам жуктуруп алды.

Коронавирус менен жабыркаган келиндин баласынан 3 жолу тест алынды. Жыйынтыгы таза деп чыкты

Боронов: "Демөөрчүлөрдөн түшкөн акчаны мамлекеттик кызматкерлер, депутаттар жана коомдун өкүлдөрүнөн турган атайын комиссия бөлүштүрөт"

Москвада коронавирустан улам киргизилген чектөө чаралары толугу менен качан алынары айтылды

Эпидемиологиялык кырдаал туруктуу эмес өлкөлөрдөн келген жарандар өзгөчө көзөмөлгө алынууда

Боронов: "Июнь айынын аягында Кыргыз өлкөсүндө коронавирус ооруларынын саны 4 миң 900гө жетиши мүмкүн"

Бишкекте бир үй-бүлөдөн үч адам коронавирус жуктуруп алган (видео)

Бир ай мурда коронавирус жок Түркияда бүгүн илдет чартаңбай тээп жүрөт. Коронавирус менен ооруган алдыңкы 10 өлкө (10-апрелге карата)

"Бет кап тагынбагандар 3 жылга эркинен ажыратылат". Катар жана Кувейтте бет кап тагынбагандарга жаза күчөтүлдү

Кубатбек Боронов: "Семетей" обсервациясындагы жандандыруу бөлүмүндө түзүлгөн шарттар адам өмүрлөрүн сактоого көмөк берет"

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 2300 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 256 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1264 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2969 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1241 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1202 0

Архив

Комментарийлер (13)

rysik79

2021-04-18 11:56:49

Даана кемчонтой экенсиңер го. Уханьда кытайлар өздөрү традиц кытай медицинасы башк айтканда чөп даары менен даарыланышты го. Эми министрди эрмектебей эле койсоңор болмок.

+17

Kyrc...

2021-04-18 12:04:38

Жакшы натыйжа берсе эмнеси жаман,миллиондогон долларга Кытай, Россиянын вакцинасын алгандан коро уу коргошун мн жакшы боло берели да.

+16

Usmanbekali

2021-04-18 12:30:01

Уркунбаевдин интервьюсун уксанар ошол эле жэтиштуу жэткен адамга,Эн мыкты дарылардын баары табигый чоп чардан жасалат.....

+14

Kyrc...

2021-04-18 12:31:51

modem4999, Кытайдын вакцинасына деле эч ким кепилдик бербейт.

+12

portugalia

2021-04-18 12:35:19

Биздикилерге чукутуп эле койсо.

+14

bond02

2021-04-18 12:45:00

Бул дарынын автору Садыр Жапаров болсо керек.

al-abu-kinesz

2021-04-18 13:33:11

Президент деле, министр деле элдин ден соолугуна куйуп ушундай ыкмаларды колдонуп, мумкунчулукко жараша аракет кылып атышат го? Башка мамлекеттин президенттери да ушундай идеяларын киргизип атышат го? "Башым аман болсо болсун кочугумду аюу жесин" деп, колубуздан эмне келмек эле деп президент дагы, министр дагы чумконуп жатып алса ушундай тепки жемек эмес! Ичи тар, короалбас, ээрчиме эл экенбиз!
"Садырин" деп тийишип аткандар ичинер толо бок экен..

+16

al-abu-kinesz

2021-04-18 13:41:21

Вируска каршы дары жасайбыз деп чет элден медик, фармаколог, лаборанттарды чакырып, мед.передовой технологияларды сатып алуу учун миллиондогон доллар кредит алып ишти башташ керек беле? Эгерде научный методду кааласанар? Ошондо да сасып чыгышмак Бекеш, Текешке окшогондор. Жата бергиле андай болбойт мындай болбойт деп, качан кытайдын вакцинасын жеп козунор чекчейгенге чейин.

Aibek_eka

2021-04-18 13:41:30

Чоп даары жакшы бирок министир эмес бир табып чоп мн элди даарылап жургон киши айтса болот эле саламаттыкты сактоо министири эмес

NURSAPAR

2021-04-18 16:22:45

Негизи Кыргызстандын абасы да дары. Жакшы эффект берсе анын неси жаман. Андан көрө колдойлу.

akylbek.kg

2021-04-18 16:34:23

Кысып эле олтургулачы,озунор эле нени кыйраттынар,илимдуу болуп эле

mirkaa5182

2021-04-18 18:04:34

Чөп дары дабасын тап атса, анын нээси жаман, ичсин дарылансын, сакайсын, чыксын.

Real_mir

2021-04-19 08:24:25

Фармацевтика банкрот эгер бул чын болсо ошого кыйкырат булар,элди ойлосо даары кымбаттаганда маска кымбаттаганда кайда эле булар

Комментарий калтыруу үчүн өз ысымыңыз менен кириңиз же каттоодон өтүңүз.