31-декабрда Бишкекте Аяз ата жана Аяз кыздардын салтанаттуу жүрүшү өтөт

31-декабрь күнү Бишкекте Аяз ата жана Аяз кыздардын салтанаттуу жүрүшү болот. Бул тууралуу бүгүн, 13-декабрда Бишкек мэриясынын басма сөз кызматы билдирет.

Салтанаттуу жүрүштүн башында Аяз ата менен Аяз кыз турат. Алар атайын автоунаага түшүп алып шаар тургундарына куттуктоо сөздөрүн айтышат. Аларды Аяз ата кийимин кийишкен Бишкек мэриясынын оркестринин музыканттары коштошот. Ошондой эле салтанаттуу жүрүшкө чыгармачыл адамдар ар кыл улуттун кийимдери менен чыгышат.

Белгилей кетсек, салтанаттуу жүрүштүн катышуучулары 31-декабрь күнү саат 9:30да “Ала-Тоо” кинотеатрынын жанына чогулушат. 10:00дө алар Чүй проспекти аркылуу Бишкек мэриясына барышат. Саат 11:00дө “Ала-Тоо” аянтында концерт уюштурулат.

Автор: Темирбек Матаев