Парламент айдоочулардан экзамен алууну көздөгөн мыйзам долбоорун күн тартибинен алып салды

Бүгүн, 4-мартта Жогорку Кеңеште жол эрежелерин одоно бузган айдоочуларды токтотуп, алардан экзамен алууну көздөгөн мыйзам долбоору каралды.

Отурумда буга бир катар депутаттар каршы пикирлерин айтышты. Жыйында эл өкүлү Элвира Сурабалдиева маселени күн тартибинен алып салууну сунуштады. Натыйжада, парламент төрагасы Марлен Маматалиев сунушту добушка коюп, эл өкүлдөрү колдошту.

Эми депутаттар келерки шейшемби күнү маселени комитеттин деңгээлинде кайра карап чыгышат.

Автор: Кылымбек Бейшеев
Фото: Жогорку Кеңештин маалымат кызматы