Спикер депутаттардан министрге суроо берүүдө президенттин айткандарын эске алууну өтүндү (видео)

Бүгүн, 21-октябрдагы Жогорку Кеңештин жыйынында парламент төрагасы Марлен Маматалиев эл өкүлдөрүнөн энергетика министрине суроо берүүдө электр тармагынын учурдагы абалын эске алууну өтүндү.

"Президентибиздин айткан сөздөрү бар. Ошолорду кичине эске алып коюуңуздарды суранам. 30 жылда электр энергиясынын өчүрүлүшү боюнча көп маселелер болуп келген. Бирок ал жолдон чыгуу боюнча атайын 300 миллион сом бөлүнгөн.

Эки жылдын ичинде Кара-Кече ЖЭБин курсак, жана башка бир топ кичи жана чоң ГЭСтерди салсак, анда бул көйгөйдөн толук чыгабыз. Керек болсо, импорттон кутулуп, экспорттоого мүмкүнчүлүк түзүлөт. Бирок ошого чейин айрым аймактарда электр жарыгы өчүп турат",- деди спикер.