Президент мамлекеттик саясаттын принциптерин тизмектеди (видео)

Өлкө башчы Садыр Жапаров бүгүн, 21-октябрда өтүп жаткан республикалык кеңешмеде мамлекеттик саясаттын беш принциби бар экенин айтты.

Президент белгилеген принциптер:

Мамлекет социалдык-экономикалык өзгөрүүлөрдүн стратеги жана архитектору катары иш алып барышы керек.
Эркин жана ишкерлик менен алектенген жарандардын мамлекетке ишенимин арттыруу үчүн жеке менчикти коргоо башкы эреже болушу шарт.
Социалдык саясаттын көңүл чордонунда ар дайым үй-бүлө жана бала турушу зарыл.
Ачык-айкын, жоопкерчилик менен салык төлөгөн ишкерлер ар тараптан коргоого алынышы кажет.
Ар бир райондо жумуш орундарын түзүү, өлкөнүн өсүүсүнө мүмкүнчүлүк берүү зарыл.