Украина: Куралдуу күчтөрдүн Башкы штабынын жетекчисинин орун басары отставкага кетти

Украинанын Куралдуу күчтөрүнүн Башкы штабынын жетекчисинин орун басары Юрий Думанский отставкага кетти. Муну бүгүн, 21-февралда чет элдик ММКлар жарыялашты. Думанский аскердик күчтөр менен жарандардын ортосундагы чатакка аралашууга макул эмес. Бул көрүнүш бейкүнөө жарандардын өлүмүнө алып келиши мүмкүн. “Бул менин жаран, офицер, кол алдымда иштегендерге жооп берген жетекчи катары жеке позициям” деди Думанский.

Эскерте кетсек, буга чейин Куралдуу күчтөрдүн Башкы штабынын жетекчиси Владимир Заман иштен бошотулган болчу.

Автор: Автандил Добулбеков