Алмазбек Атамбаев менен каржы министри Ольга Лаврова бюджеттин аткарылышын талкуулашты

Бүгүн, 25-февралда президент Алмазбек Атамбаев каржы министри Ольга Лаврованы кабыл алды. Жолугушууда республикалык бюджеттин аткарылышы жана быйылкы бюджеттик саясаттын негизги артыкчылыктары талкууланды.

Алмазбек Атамбаев бюджетти так аткаруу, өлкө жарандарынын алдында кабыл алынган бардык социалдык милдеттенмелерди аткаруу зарыл экенин айтты.

Мамлекет башчы Кыргыз Республикасын 2013-2017-жылдар аралыгында туруктуу өнүктүрүүнүн Улуттук стратегиясында белгиленген долбоорлорду өз учурунда каржылоонун маанисин белгиледи.

Автор: Автандил Добулбеков