Бүгүн "Манас" кинотеатрында “Пентхаус” кыргыз кинокомедиясынын бет ачары болду (фоторепортаж)

Тасма ата-баланын табышуусу менен аяктаса, ачылыш азем да ушундай көз ирмем менен аяктады.

Тасма бүткөн соң башкы каарман Эмилдин бети куттуктоолордон бошогон жок.

Актёрлор күйөрмандары менен сүрөткө түшүүгө да жетишишти.

Эмилдин атасына жолуккан жери.

Тасмадан кадр.

Тасмадан кадр. Атасын тапкан Эмилге достору чын дилден кубанып, жашып да алышты.

Кино жаратуучулардын белегине ээ болгон көрүүчүнүн кубанычында чек жок.

Тасманын ачылыш аземин "Тамашоунун" узуну Куба ачты. Ал алгач тасма тууралуу кыскача айтып, андан соң орундуктардын астына жашырылган баракчалар аркылуу чакан оюн ойнотту.

Келген коноктордун катарынан тасмада роль жараткан актёрлор да орун алышты.

Келген коноктор залдан орун алышты. Алардын катарынан тасмада роль жараткан актёрлор да орун алышты.

Белгилүү дизайнер жана стилист Замира Молдошева үй-бүлөсү менен келип, тасмага күбө болуп кетти.

Тасманын режиссёру Нурлан Мамакеевдин жубайы жолдошунун эмгегин баалаганы келиптир.

Тасманын жаратуучулары келген конокторду кинотеатрдын босогосунан жылуу тосуп алып турушту.

Тасманы көрүүгө ашыккан көрүүчүлөр.

Бүгүн, 4-мартта кыргыз кино дүйнөсү дагы бир тасма менен толукталды. Дегеним, учурда "Манас" кинотеатрында, жабык эшик артында “Пентхаус” кинокомедиясынын бет ачары болууда. Ага белгилүү кыргыз киночулары, актёрлор, ырчылар жана каармандардын жакын санаалаштары катышууда. Ачылыш аземди "тамашоучу" Куба ачып, көрүүчүлөр арасында оюн уюштурду. Андан соң кол чабуулар менен тасма көрсөтүлө баштады.

Тасма тууралуу айта кетсек, анда актёрлор КРнын Эл артисти Замирбек Сооронбаев, Камчы Сарыбаев, Азамат Арыков, куудулдар Борончу Кудайбергенов, Бакыт Мукул, “Ак-Өргө City” командасынын жигиттери, эстрада ырчылары Асел Турдалиева, Абидин Темиров, Омар, Азиз Жетигенов, Курал Чокоев жана опера ырчысы Замира Мавлянова роль жараткан.

Тасма жаш кезинен атасыз өскөн Эмил аттуу жигиттин Орусиядан атайын атасын издөө үчүн келгени менен башталат. Анын Кыргызстанга келгендеги дагы бир максаты социалдык тармактан таанышкан кызы Айдайга жолугуу эле. Эмил досуна жолугат. Көп өтпөй Эрмек аттуу жигиттин шефи карап тур деп табыштап кеткен пентхауста 4 дос жашап калышат. Бул аралыкта Эмил таанышы Айдайга жолугуп, анын жүрөгүн ээлегенге жетишет...

Кошумчалай кетсек, тасманын режиссёру – Нурлан Мамакеев. Продюсери – Эльдияр Кененсаров жана Нурлан Мамакеев. Сценарийин жазгандар – “Ак-Өргө City” командасы.

Автор: Дамира Арстанова