Ош. Мэр Айтмамат Кадырбаев Жибек-Жолу аймактык кеңешинин тургундары менен жолугушту

Ош шаарынын мэри Айтмамат Кадырбаев 12-мартта Жибек-Жолу аймактык кеңешинин тургундары менен жолугуп, бир катар чечүүчү маселелер бар экенин айтты.

Анда жергиликтүү тургундар суу, газ жана жол маселесин калаа башчыдан чечип берүүнү сурашты. Жергиликтүү тургун Бакыт Шакиев шаар башчыга "жаз келгенине байланыштуу бир күндө чечип койчу агын суу көйгөйүн чечип бериңизчи, курулуш иштери башталып калды" деди.

Бул маселе бир күндө чечилчү нерсе эмес экенин айтып, бул боюнча чараларды көрөрүн айтты. Андан соң мэр бир катар мектептерге барып, алардын көйгөйлөрү менен таанышып кайтты.

Автор: Айсана Паизова