Вице-спикер Асия Сасыкбаева: “Парламентте жеке каалоосу мамлекеттик кызыкчылык менен эч дал келбей турган депутаттар бар”

“Аймактык бөлүнүүчүлүк, ксенофобия, непотизм калдыктарын эмес, парламентаризм салттарын сактоо биз үчүн кыйла маанилүү”,- дейт Жогорку Кеңештин вице-спикери Асия Сасыкбаева. Айтымында, депутаттардын алдында Конституциянын ченемдери менен парламенттик башкаруу усулун натыйжалуу ишке ашыруу боюнча чоң милдет турат. Муну ЖКнын маалымат кызматы билдирди.

“Парламенттин ишин өтө мактоодон алысмын. Жарандар тарабынан анын дарегине катуу сындар айтылып жатат. Мыйзамдардын сапаты, депутаттардын тартиби, Жогорку Кеңештин сапаттык курамы боюнча дооматтардын жөнү бар. Эч кимге деле жашыруун эмес, жеке каалоосу мамлекеттик кызыкчылык менен эгерим дал келбей турган депутаттар да бар. Мунун баары парламенттин сапаттык курамына барып такалат”,- дейт вице-спикер.

Автор: Автандил Добулбеков