Токиодо “Борбордук Азия+Япония” диалогунун 8-отуруму болуп өттү

19-мартта Токиодо “Борбордук Азия+Япония” диалогуна катышкан өлкөлөрдүн 8-отуруму болуп өттү.

Кыргызстандык делегацияны тышкы иштер министринин орун басары Эринес Оторбаев жетектеп барганы белгилүү болду. Жолугушууда өткөн жылдын октябрь айында Бишкекте болуп өткөн 7-отурумда козголгон айыл чарба тармагындагы кызматташтыкты өнүктүрүү жана “Борбордук Азия+Япония” диалогунун 10 жылдык мааракесине карата Кыргызстанда тышкы иштер министрликтеринин кеңешмесин өткөрүүгө даярдануу боюнча маселелер талкууланды. Маалыматты 20-мартта КРнын Тышкы иштер министрлиги билдирди.

Аталган иш-чаралар быйыл жайында Кыргызстанда өтө турган Борбордук Азия жана Япония өлкөсүнүн тышкы иштер министрлеринин кеңешмелерин ийгиликтүү өткөрүп алуу жана ага даярдыктарды көрүүгө багытталыптыр.

Автор: Перизат Музуратбекова